POSTPROGRAMA

Kaixo irakurle maitea:



Azkenengo urtea, tren honen azkenengo geltokia gaude. Hiru urteen errepasoa egin ostean konturatzen gara zenbat esperientzia berri bizi, zenbat emozio sentitu, zenbat gauza ikasi ditugun: psikologia alorrean, didaktika eta hezkuntza munduan eta IKT-en sareetan murgildurik.

Azken horiei esker Eguzkiloreon blog-a sortu dugu, bakarkako teknografiak eratu ditugu eta taldean elkartuz berre eragiteko aurkezpena egin genuen.



Lehengo egunean taldeak sotu genituen, laukoteak. Gure taldea Izortze Garcia, Nekane Estrella, Maitane Etxegarai eta Ianire Daaira-k osatu genuen: EGUZKILORE TALDEA . Zergaitik izen hori? Antzina batean eguzkiloreek zortea ekartzen omen zuten, etxeko mamu gaiztoak, sorginak, lamiak, gaixotasunak, ekaitzak eta tximistetatik babestuz. Eta ari horri jarraiki lema bat sortu genuen:

"Eguzkiloreen indarra barneratuz, IKT-en beldurrei aurre egin diezaiegun!"

Gure burua aurkezteko taldekideen fitxak igo genituen blogera eta horrekin batera bi Glogster sortu genituen taldearen izaera islatzeko.



Beraz, IKT-en bidai horretako trena hartua genuen jada, beldurrak atzean utziz. Konpetentzia digitala garatzen hasi ginen Manuel Arearen eskutik. Gure esperientzia propioetatik ikasiz, gure ikasleek egingo duten bezela, ikasten ikasteko gaitasuna landuz.

Gure ametsetan sinestuz, kemenarekin, esfortzuarekin eta gugan konfidantza izanda lor ditzakeguna azaldu ziguten Seteve Jobbsek eta Nick Yuijcic-ek .

Eta horiek islatzeko teknografia sortu genuen. Zalantza ugari sortu ziren, berriro ere mamuak agertu zitzaizkigun:

· Nola egin?

· Zer kontatu?

· Zein da helburua?

Erronka bat zen. Hala ere, bakoitzak bere barnean bilatuz, sentimenduak eta emozioak aztertuz eta gure irudimenaren kateak askatuz, oso proiektu politak irten zitzaizkigun. Horrez gain, beste guztienkin konpartitzeko aukera izan genuen, beste ikaskideen identitateetan gehiago murgilduz.

Irakasgai honek alde positibo ugari izan ditu. Horietako bat, barruan daukagun guztia askatzen lagundu digula. Gure teknografiei esker taldekideon artean zenbait gauza elkarkomunean genituela ikusi genuen. Horietako bat, zoriontzu izatera heltzeko desira eta gure ametsak egi bihurtzeko gosea. Horregatik, taldearen teknografiaren oinarri bihurtu ziren:

"Lau bizimodu ikuspegi bakarra"

Gure antzera, beste taldeek ere euren ekarpenak egin zituzten teknografien inguruan. Noski aurkezpenen egunak heldu ziren eta zalantzak, urduritasuna, ezezagunari beldurra, barregarri geratzeari izua... berriro ere anbientearen protagonista bilakatu ziren. Hala ere, taldeen kemena eta ilusioari esker aurrera irten dira aurkezpen guztiak, bai talde handietan, bai talde txikietan ere.

Gure kasuan, talde txikiko aurkezpenaren egunean, guztiz larri ibili ginen. Gure intentzioa barre eragitea zen, eta ez barregarri geratzea. Erronka eta ardura handia zen guk genuena. Prestatutako materialak barre eragiten ez bazuen, akabo geure ilusioak!. Baina oso ondo irten zen guztia, eta horrek geure poza biderkatu egin zuen.

Beraz, irakasgai honetan zer ikasi dugun galdetzen digutenean, ez dugu jakiten zer erantzun ezta nondik hasi ere!, nahiz eta guk oso argi izan... Hain zaila da deskribatzea eta azaltzea... Hala ere, postprograma hau irakurri baduzue, ziur gaude identifikatuta sentituko zaretela. Esperientzia guztiak konpartitu ondoren, badakizue zertaz ari garen ;).

Segi aurrera, hartu ametsen hurrengo trena, ilusioz beteriko motorra duena, zoriontasunaren trenbidea zeharkatzen duena...

"Barre egin, barre eragin, mamuak uxatu, ametsa jarraitu".

Etorkizun batean berriz ere gure esperientziak konpartituko ditugulakoan,

agur bero bat!

                                                                                                                      Eguzkilore taldea

Maiatzak 16ko saioa

Azken saio honetan, azkenengo aurkezpenekin amaitu dugu.

Esan behar dugu, saio polita izan dela. Klaseko lagunen aurkezpenak oso ondo egon dira eta berriz ere, gauza berriak ikasi ditugu.

Alde batetik, "Goazen afaltzera" taldeak ipuin polit bat kontatu dute. Ipuin honek askotan geletan ikusi edo sentitu dugunarekin erlazionatzeko aukera eman digu. Ume bati zelan egin behar duen gauzak behin eta berriro errepikatzen badiogu, behatzen eta ikertzen utzi barik, soilik jakingo du irakasleak esaten dion eran egiten.

Beste aldetik, oso jarduera egokia iruditu zaigu beste talde batek egin duena, astoen jarduera alegia.
Jarduera honek ere, erakusten digu afektibitatea oso aspektu garrantzitsua dela hezkuntzan.

Motibazioa ezinbestekoa dela iruditzen zaigu. Animatzen, gauzak politak esaten eta helburu bat eta gero, etekinak egongo direla ziurtatzen, askoz errezagoa egiten da bidea, zailtasun betez ikusten dugunean.

Amaitzeko, borobil batean eseri gara guztiok. Irakasgaiaren hausnarketa bat egin dugu eta bakoitzak zelan sentitu den aurkezpenetan parte hartzen, blogak egiten eta abar... azaltzeko aukera izan dugu.

Honekin, irakasgaiari amaiera eman diogu.

    
" Piensa en grande y tus hechos crecerán, piensa en pequeño y quedaras atrás, piensa que puedes y podrás. "   Napoleón Hill

Maiatzak 9ko saioa

Kurtsoa amaitzeko oso gutxi geratzen denez, gaurko klasean irakasleak azaldu digu azkenengo eginbeharrak zeintzuk diren.

Egia esanda, lehenengo momentuan, nahiko urduri eta estresatuta sentitu gara. Normala denez, kurtsoa amaitzerakoan urduritasuna gutaz menderatzen da. Hala ere, irakasleak askotan egiten duen bezala, gure urduritasuna eta ezinegon hori, lasaitzen lortu egin du.

Lanak kurtso honen prozesuaz hausnartzea aukera ematen digu. Nahiz eta lehenengo momentuan lehen esan dugun legez, estresatuta sentitu, uste dugu garrantzitsua dela gure prozesua irakasgai honetan zein izan den jakitea. Hausnartzea gure zailtasunei, zalantzei, alaitasunei… hau da, izan ditugun sentimenduei buruz; bizitzan zehar landu egin behar dugun gauza bat da. Horrek aukera ematen digu ere, hezkuntzari aplikaturiko teknologia berrien irakasgaian zer ikasi dugun jakiteko eta gogoratzeko.

Uste dugu halaber, taldeka ondo lan egiten ikasi dugula. Gauza oso politak atera dira eta uste dugu, guztiok beste taldeen  aurkezpenak behatzean, disfrutatu egin dugula. Alde batetik, beste ikaslagunen lanak begiratzen eta gozatzen, asko ikasi dugu, (besteengatik asko ikasten da beti), eta beste aldetik, irakasgai honek ere, aukera zuzena eman digu gure ikaslagunak pixkatxo bat gehiago ezagutzeko. Adibidez, teknografiaren lana, oso lana pertsonala zen eta guztiok klase osoarekin konpartitzen ausartu gara. Beraz, kontuan izan behar ditugun gauzak direla uste dugu. Orokorrean, klase moduan gure prozesua positiboa izan da.

Konturatu gabe, kurtsoa ia bukatzear dago, irakasleak izango gara berehala gutariko asko eta horretaz pentsatzea ere garrantzitsua suertatzen zaigu, hots, bakoitzak 3 urte hauetan izan dituen prozesuari buruz hausnartzea.

“LO IMPOSIBLE SE HACE POSIBLE DE CONTINUO”

MAHATMA GANDHI

Gure aurkezpena

Guk, normaltasunetik irtetea erabaki dugu, zerbait ezberdina egitea. Horretarako, zoriontasunean zentratu gara eta gure helburua barre egitea eta ondo pasatzea izan da.

Pailazoz mozorrotu gara eta gure artean elkarrizketa bat izan eta gero, barre egiteko  bideo bat jarri dugu.

GIDOIA

-Maitane: Egun on guztioi!! Gaurko aurkezpenaren helburuak bi dira:

-Nekane: Alde batetik barre egitea, zuen irribarrea ematea dohainik baita!

-Izortze: Gero eta gauza gutxiago dira dohainik gaur egun.

-Ianire: Bueno, bale ez zaitezte hasi eh!!

-Maitane: Eta bestetik, zoriontasuna aurkitzea.

-Nekane: Txiki zein nagusi izanda.

-Izortze: Nagusiak zoriontsuak????Ez dakizue zer esaten duzuen ere ez.

-Maitane: Ni okina izango naiz nagusitan, eta ogiaren mamia jaten pasako dut egun osoa.

-Izortze: Ni aktore batekin ezkonduko naiz.

-Ianire: Ni harrijasotzaile izango naiz, Euskal Herriko onena! Eta zu Nekane, zer izan nahi duzu nagusitzen zarenean?

-Nekane: Zergaitik galdetzen didazu orain hori? 21 urte baino besterik ez dugu eta! Ba… ez dakit!

-Izortze: Niri hori galdetzen didaten bakoitzean ez daki zer erantzun!

-Ianire: Egia da, guztia korapilatzen da.

-Izortze: Nagusiek esaten digute, guztia ulertzeko hazi egin behar dugula baina haiek ez dira zoriontsuak!

- Maitane: Gu bakarrik gara zoriontsuak!

-Nekane: 18. urtebetetzea ospatzerekin batera jendeak burua galtzeari uzten dio; aurpegi luze, haserre, eta berri txar bihurtzen da guztia.

-Ianire: Telebistak dioenez desodorantea bota behar dugu, kotxe azkarrak erosi behar ditugu eta pare bat estetika ebakuntza  egin behar dira. Hori guztiarekin zoriontzu ez bazara erotuta zaude!

- Maitane: Baina hori lortzeko, dirua behar!

-Izortze: Eta nagusiek, edozer gauza egiten dute dirua lortzeko.

-Nekane: Bai, hori da helburua, dirua lortzea. Lan eta lan egin, zertarako? Urte amaieran 15 egun, 15 triste eguneko oporrak lortzeko!

- Ianire: 15 egun, non ahalik eta urrunen joaten zaren urteko beste egun guztiak ahaztu ahal izateko.

-Maitane: 15 egun abuztuan

-Izortze: 15 egun hondartzan

-Nekane: 15 egun ardiak bezala!

-Ianire: Era berean arkumetxoak mundura ekarriko dituztenak!

-Maitane: Eta haien etorkizunean lan eta lan arituko direnak, zertarako?

-Guztiak: 15 eguneko oporrak lortzeko!!!

-Nekane: Ongi pentsatuta, nagusitzerakoan ez dut  ezertxo ere izan nahi, ez dut hazi nahi. Egia esan ez dut ezta nagusi izan nahi. Peter Panekin geratzen naiz.

-Maitane: Eta heldugabeekin

-Izortze: Eta fantasiarekin

-Ianire: Hausnarketarekin

-Nekane: Bizitzarekin. Beraz, ez iezadazue berriro ere galdetu ea nagusitzerakoan zer izan nahi dudan!

- Maitane: Beno baina ez dugu esan barre egin behar genuenik?

Jarrain, elkarrizketarekin pixka bat jarraitu eta polka bat dantzatu dugu denon artean. Batzuei dantza arin eta zail honen azalpena ez zaie nahiko argi geratu baina saiatu egin gara eta barre egitea lortu dugu. 

 -Ianire: -Beno, eta orain barre pixka bat egin dugula eta pozik gaudela, egingo al dugu dantza pixka bat?
-Nekane. -Dantza? egun osoan gaude dantzan eta!
-Izortze: Ez daukagu beste zereginik!
-Maitane: Niri lotsa apur bat ematen dit jende guzti honen aurrean dantza egitea, eta haiekin batera dantzatzen badugu?
-Ianire: Hori da, haiek ere dibertitu daitezela eta barre gehiago egin dezagun!
-Nekane: Hau barrearen festa bihurtuko da!
-Izortze: Denok gora! bikoteka jarriko gara eta polka bat dantzatuko dugu!
-Maitane: Adi guri, ondoren guztiok errepikatzeko!

Bukatzeko, txar eta kezka guztietatik alde egiteko ariketatxo bat egin dugu. Puxikak erabiliz eta hauek puzten genituen heinean,  kezka, erresistentzia eta zalantza guztiak globoaren barrura bota ditugu. Sartu ditugun horiei barre egin diegu aurpegi bat puxikan marraztuz. Azkenik, zapaldu eta puxikak puskatu egin ditugu.

 

-IANIRE:-UUUUF nekatuta nago ni, deskantsatzera joan beharko dugu, hainbeste dantza egin ondoren..
-Nekane: Arrazoia daukazu, baina aurretik, asko gustatzen zaigun zerbait erabili behar dugu!
-Izortze: PUXIKAAK!! hauei esker, gurekin batera dantza egin duten guztiek, haien gauza txar eta kezka guztiak bota egin ahal izango dituzte!
-Maitane: (BAKOITZARI GLOBO BAT EMATEN DIOGUN BITARTEAN). Puxikak puzten zoazten heinean, zuen kezka, erresistentzia eta zalantza guztiak globoaren barrura botako dituzue eta troinu batez ondo itxi. alde egin ez dezaten!
-Ianire: Hori! eta ondoren, barrura sartu ditugun horiei barre egingo diegu, aurpegi bat puxikan marraztuz!
-Nekane: Ondo eta orain...!!guztiak gure gogo eta indar handienarekin zapaldu eta puskatu egingo ditugu!
-Izortze: Alde egin dezatela gure bizitzatik!
-Maitane: Guk zoriontsu izan nahi dugu! Goazen ba puxikak puskatzera!!
-Ianire: Bagoaz, jada nekatuta gaude eta! Gogoratu, barre egin eta zoriontsu izan!

Maiatzak 2ko saioa

Gaur bi ordu eta erdiko saioa izan dugu baina Alaitzek esan duen moduan, ordu eta erdiko saioaren aipamena baino ez dugu egingo.

8.gelara heltzean, intsentsu usaina zegoen, izarak lurrean modu polit batean jarrita zeuden eta baita arrosa petaloak eta kandelak ere. Hiru ametsak taldeko partaideek oinetakoak kentzeko eskatu digute eta izaren gainean eseri gara zirkulu bat eginez. Jarraian, musika lasaia jarri digute, begiak itxi eta Soniak testu polit bat irakurri digu. Begiak pixkanaka-pixkanaka ireki eta tenperekin, folio batean sentitu duguna islatu behar izan dugu. Ondoren, marrazki guzti hauek mural handi batean itsatsi ditugu.

Esan beharra daukagu, saio hau oso polita iruditu zaigula, ezberdina, motibagarria eta oso originala. Nabaritu izan da aurkezpen honen atzean lan handia egin dutela.

Hurrengoko taldea imajinazio taldea izan da. Hauek, bideo polit bat erakutsi digute non beraien bizitzako desberdintasunak eta berdintasunak ikusi ditugun.  Ondoren, ariketatxo bat planteatu digute. Hirunaka jarri gara eta kartulina zati bat banatu digute hitz batekin. Bitartean, taldeko partaide batek arbelean itsatsi du beste kartulina handi bat hitz hauekin: haurtzaroa, eskola, familia, lagunak, unibertsitatea eta praktikak.   Gure kartulinako hitzan zentratuz, bost sentsazio idatzi behar izan ditugu,  altuan irakurtzerakoan beste taldekideek asmatu zezaten ze hitz zen guri egokitutakoa.

Aurkezpen hau ere oso ondo egon da, klaseko ia talde gehienek bideo bat eraiki dute aurkezpenerako, modurik errazena baita berdintasunak, ezberdintasunak… islatzeko.

 

Ondoren, gure txanda izan da, eguzkilore talderena baina gure aurkezpena azaltzeko, geroxeago publikatuko dugun sarrera bat dedikatuko diogu.

 

Eta azkeneko taldea ideiak sortuz izan da. Hauek bideo original bat eraiki dute, bertan kontraste handiko irudiak ikusi ditugu (paisaiak, Afrikako umeak, anorexiadun neskak …), musika ere kontraste handikoa izan da, argazkien araberakoa. 
Bideoa ikusten genuen bitartean, Idoiak, poltsa txiki batzuk banatu ditu eta barruan zegoena aditu barik, ahora sartu eta dastatu egin ditugu.

 
Helburua zentzumenak erabiltzea izan da eta kontrastea bereiztea. 
Aurkezpen hau asko gustatu zaigu, desberdina izan da eta hori zoriontzekoa da.

Apirilak 25eko saioa

Gaur, ordu bateko saioa besterik izan dugun arren, gauza askotarako eman digu ordu honek. Ordu erdi oso bat , azken aldian ohikoa den bezala, eztabaidatzen eman dugu. Ez da izan egoera eramangarria ikasle eta irakaslearen artean eztaibaida nahiko deserosoa sortu delako. Ez dugu ondo ulertu zein zen arazoa baina argi izan behar duguna guzti honetatik zera da, irakasle bakoitzak bere metodologia eta antolatzeko era duela eta guk horretara moldatzeko gaitasuna izan behar dugula. Azken finean irakasleak izango gara eta malgutasunera eta ikasten ikastera zabalik egon behar izango gara.

Ez dugu inoiz modu honetara lan egiteko aukerarik izan eta uste dugu modu desberdin eta erakargarri bat dela. Ez gaude honetara ohituta eta beharbada arraroa egiten zaigu guztia modu digitalean eta blog baten bitartez adieraztea baina azken finean uste dugu honela lan egitea erakargarriagoa dela bai guretzako eta bai ikasleentzako ere.

Horren ondoren, taldeen aurkezpenekin jarraitu dugu eta gaurkoan, lau talderen aurkezpenak ikusi ditugu.

Lehenengo eta behin, Kaixo pitxin taldekoak irten dira. Hauek ppt bat prestatuta izan dute haien bizitzako momentu desberdinetako argazkiak tartekatuz. Musika, horren azpitik jarri dute eta horrela, bideo baten itxura izan du pptak. Nahiko laburtxoa izan da baina ondo egon da.

Ondoren, Ideiak sortuz taldearen txanda izan da. Hauek bideo polit bat eraiki dute, haien izaera eraikitzen joan direlarik besteen usteekin eta haien errealitatearekin. Haien taldea puzzle bezala definitu dute eta haiek pieza desberdinak izango balira bezala. Bakoitzak gauza desberdinak aportatu dizkio taldeari eta hori oso ondo dago taldearentzako. Gainera, bakoitzarentzako musika desberdinak eta oso ondo zetozenak jarri dituzte, beraz, asko gustatu zaigu.

Gero, lauburu taldea irten da eta hauek, haien bizitzak komunean jarriz bideo bat eraiki dute. Laurek haien bizitzako etapa desberdinetan izan dituzten gauza berdinak islatu nahi izan dituzte adin eta gustu desberdinak izan arren. Gustatu zaigu bideoa.

Azkenik, zerua izarretan taldearen txanda izan da eta denbora gutxi izan dugun arren, hauek ere originaltasuna erabiliz eraikitako bideoa jarri ahal izan dute. Berdintasunean zentratu dira bideoa erakitzeko esan duten bezala eta hauetan, argazkiak sartzeaz gain, ahotsa eta haien bideoak ere sartu dituzte. Gainera, ikasleei transmititu ahal diena islatu nahi izan dute, haien artean, kooperazioa, ikasten ikastea eta abar. Gustatu zaigu azken aurkezpen hau ere.

Apirilaren 18an egindakoa

Lehengo aurkezpen eguna. Urduritasuna somatu dugu gelan. Talde bakoitzen inseguritateak agertu dira nonbait, eta horiekin batera beldurrak eta zalantzak. Jendearen aurrean hitz egiteko beldurra agian?edo... bakoitzaren lanak besteen maila berean ez egotearena?


Talde bakoitzak daukagun denboraren arabera egin dugu lan. Batzuk denbora gehiago eskaini diote irakasgaiari, bideoak eginez, argazkiak ateraz, kreatibitateaz jolastuz... buruari eraginez, azken finean. Hala ere, guztiok egin dugu esfortzu handia, lanez gainezka gauden asteotan horrelako lan konplexu bat aurrera atera ahal izateko. Konplexua diogu, denbora murritzaren eraginez. Oso lan polita da eta gainera nahi den eran garatu daitekeena, mugarik gabea. Baina denbora aldetik oso gaizki ibili gara eta horrek ez digu utzi guk hasiera baten planteatuta geneukan bezalako lan bat garatzen.


Gure ikaskideak ere oso antzera ibili direla azaldu digute. Horregaitik batzuk beste batzuk baino sinpleago egin behar izan dute, nahiz eta guztiok esfortzu handia egin dugun!. Moviemakerrak, Power Pointak eta bideoak erabili ditugu. Bakoitzak teknika bat aukeratu du baina azken finean guztiok antzeko gauzak kontatu ditugu: familia, lagunak, eskola, bizipenak, zalantzak, beldurrak, ametsak...

Ziur gaude hurrengo egunean gure ikaskideek aho zabalik utziko gaituztela!!! 

Eguzkilore taldearen teknografia

Zalantzak gora, beldurrak behera...beti aurrera!

Azkenengo sprintean sartzen gara eta hasierako mamuak desagertzen hasten dira. Urtarrileko lainoak, apirileko "eguzki-izpi" ahulei tokia uzten ari dira apurka, maiatza inguruan eguzkia zeruko protagonista nagusiari pausu emateko.


Eguzkiarekin  batera, kurtso eta karrera amaiera ere eskutik bat datoz. Irakasle bilakatuko gara jada, hasierako nahasmenak, zalantzak eta zihurgabetasunak alde batera utziz.

"Lau bizimodu, ikuspegi bakarra", horrela hastea erabaki dugu, gure teknografia laburbiltzen duen esaldirik egokiena dela deritzogulako. Lau gara taldean, eta bakoitzak bere nortasuna du, izan duen bizimodu eta esperientziak horrela egin gaituelako. Hala ere, bakoitzaren teknografian komunean ditugun zenbait bizipen edo pentsakera aurkitu dugu eta hortik abiatuta "Eguzkilore taldearen teknografia" eraikitzea erabaki genuen.


Lau bide ezberdinak pentsakera bakar bateko puntu batean elkartu dira eta gelan aurkeztutako bideo txikia sortu dute. Gure helburua zein izan den? Esfortzua, lana, sentimenduak, emozioak, bizipenak, gogoak, ilusioak, ametsak, etab islatzea. Hori lortzeko imajinak eta musikaren letra eta erritmoa egokitzen saiatu gara. Gure mezua argia da:

"Zalantza eta beldur guztien gainetik bizitzea hori da zoriontsu izaten jakitea"



Apirilaren 4an egindakoa

Saio honi hasiera emateko, hausnarketa  batekin hasi gara. Gauza askori buruz ibili gara berbetan. Aurreko saioetan bezala teknografiei buruz hitz egin dugu. Dakizuenez, aurreko saioetan komentatu genuen ikaskide  batzuk arazoak zituztela teknografiak youtubera igotzeko pertsonalak zirelako eta ez zutelako nahi edonork ikustea.

Guk ez diogu garrantzi handirik eman kontu honi. Aukera polita da besteen lanak ikustea. Teknografia honen bidez, klaseko lagunak hobeto ezagutzeko aukera izan dugu. Hain desberdinak garenez, bakoitzak bere bizipenak eta norberarentzako garrantzitsua iruditzen zaiona teknografiaren bidez espresatu ahal izan du. Beraz, guk asko disfrutatu dugu besteen teknografiak ikusten.

Irakasleak ere parte hartu du klasean sortu den eztabaida honetan. Azkenean ez dituela gauzak oso ondo egin azaldu digu. Uste dugu garrantzitsua dela pertsona eta irakasle moduan akatsak onartzea eta besteekin konpartitzea. Askotan, gauza txiki batetik, gauza handi bat bihurtzen dugu eta hitz egitea kasu hauetan ezinbestekoa dela uste dugu, gauzak argi gera dezaten.

Halaber, irudien garrantziaz ere hitz egin dugu saio honetan. Esparru bisuala oso garrantzitsua da. Beraz, landu eta garatu beharreko aspektu bat da. Honekin batera, irakasleak testu bat irakurri digu, oso interesgarria iruditu zaiguna.

"¿Que papel juega la obra de arte en el desarrollo del niño? Entrar en las imagenes y trasformarlas".

Saioarekin amaitzeko, dinamika bat egin dugu. Isilean klasetik ibili gara bakoitzak nahi duen lekutik. Klaseko lagunei begietara begiratuz, begiradarekin transmititu saiatuz. Topo egiten genuen pertsonekin irakasle bezala dugun balorea azaldu dugu.

Oso dinamika polita iruditu zaigu. Askotan ez gara ausartzen besteei aurpegira begiratzen, lotsagatik, intseguritateagatik…

 Begietara begiratzen askotan, ez dira beharrezkoak hitzik. Begirada batekin, gure sentimenduak, emozioak, beldurrak, zalantzak… espresatu dezakegu.

"El alma que hablar puede con los ojos, también puede besar con la mirada"


Gustavo Adolfo Bécquer

Martxoak 28an egindakoa

Klaseari hasiera emateko, eztabaida bat sortu da ikaskideen artean, Alaitzek ere parte hartu du.

Dirudienez, ikaskide batzuk arazoak dituzte teknografiak youtubera igotzeko pertsonalak direlako eta ez dutelako nahi edonork ikustea.

Guk ez diogu hainbesteko garrantzia eman aspektu honi, teknografiaren bideoak gehienez bi hile egongo direlako youtuben, kurtsoa amaitzean kendu egingo ditugu eta. Gainera, irakasleak hasiera batetik esan zuen argi eta garbi teknografia youtubera igo beharko zela gero blogean publikatu ahal izateko. Hau jakinda, denok jakin dugu zeren aurrean jarri garen, eta bideo bakoitzaren pertsonaltasun maila bakoitzak erabakitzen du, beraz, norbaitek arazoak baditu horrekin, ez egitea bideo hain pertsonala edo pribatutasuna jartzea.

Eztabaida honi ordu erdi baino gehiago dedikatu diogu, parte hartu nahi izan duenak parte hartu du eta iritziak mota askotakoak izan dira. Guk, lehen esan dugun moduan, ez dugu inolako arazorik izan youtubera igotzeko. Ikasgaiaren ariketa bat da eta horrela ulertu dugu, youtubera igotzean beste ikaskideekin konpartitu dezakegu eta hori da ikasgaiaren hitz gako bat, konpartitu, beraz, ez diogu hainbesteko garrantzia eman ez duen gauza bati.

 

Gero, klaseko azken 10 minutuetan Aldak, Garazik, Nereak eta Olatzek "konfiantza itsua" izeneko ariketa prestatu dute. Binaka jarri gara, gutariko bat itsua zen eta bestea gidaria. Ondoren, ibilbide bat egin dugu klasetik Alda edo Garazi zeuden tokietara heldu arte eta hauek gailetak eman dizkigute. Gero, rolak aldatu ditugu.

Ariketa hau konfiantza lantzeko izan da eta egiten genuen bitartean, konturatu gara konfiantza beharrezkoa zela aurrera segitzeko eta konfiantza barik normala zela galduta sentitzea.