Martxoak 7an egindakoa

Motxila betetzen.

Gutxika, astiro baina gelditu gabe goaz aurrera, hasieran ia hutsik zegoen motxila bat betetzen.  Zalantza eta beldurrak gainditzen. Hasieran zail egiten da, motxila azpian  ideia finko eta sendoenak sartu behar baitira detaile txikiak, erraz apurtu daitezkeenak, amaierarako utziz. Horregatik talde batzuk Blogean egindako lanak erakutsi dizkigute: Aurkezpenak, gadtsetak, etiketak, diseinua, argazkiak, sarrera ezberdinak …

Hori egin eta gainera gauza berri bat ikasi dugu!: EDUGLOGSTER orrialdean plantillak erabiliz, eguzkiloreon blogaren aurkezpena erakutsiko dizuegu laster! Amaituta dago jada, igotzea besterik ez da falta!

Eduglogsterren trasteatzen aritu garenean haurrekin lan egiteko izugarrizko baliabidea iruditu zaigu. Oso orrialde koloretsua eta animazioz betea gainera, haurrentzat ezin erakargarriagoa gure ustez.  Ikasleak protagonista bihurtzeko aukera ematen du, sormena askatuz, jolasean arituz eta era berean ikasiz, gure helburua dena gauzatuz, hain zuzen ere.

Guk ere, eginaz ikasten dugu eta horretan aritu gara klasean, irudi ezberdinekin jolastuz, koloreak aldatzen, fondo ezberdinak ezarriz …

Beraz … beste gauza berri bat motxilara!!

Gure bizitza teknologiaz baliatuta: TEKNOGRAFIA

Biografia + teknologia = Teknografia!!!

Gure bizipenak kontatzea erraza da, bakoitzaren bizitzan gertatutako gauzarik esanguratsuenak hartu eta ahoz zein idatziz kontatzea besterik ez da egin behar. Baina, nola egin TEKNOLOGIA erdian sartzen denean? Badirudi TEKNOLOGIA hitzak BELDURRA sortzen duela, aipatzen den bakoitzean taldean zalantzaren anteko sentsazio bat sortzen baita. Eta zalantzarekin porrot egiteari beldurra. Orduan, TEKNOLOGIA = BELDURRA???

Zail izaten da segurtasuna ematen digun tokitik ateratzea eta mundu berrietan murgiltzea. Zaila da lehengo pausua ematea eta kobazulotik irtetea. Baina kontuan hartu behar dugu, antzinako gizon eta zibilizazioak handik atera izan ez balira, gaur bertan bizitzen jarraituko genukeela. Gure zibilizazioak aurrera egiten badu, orduan guk ere aurrerapausoa eman beharko dugu. Lehengoa zailena, ziur. Baina oina lurrean ongi finkatzen dugunean, ez dago gu eroraraziko gaituenik.

Guk lehengo pausua eman dugu, oina finkatu dugu, kobazulotik atera gara eta argia ikusten ari gara. Baina oraindik ez gara atzera begiratzeko guztiz gai. Beldurra diogu atzean geratu den segurtasun sentsazio horri berriro ere atxikitzeari. Eta hori da guk orain landu behar duguna. Teknologia berriak erabiliz gure bizitzan gertatu diren gauzarik esanguratsuenak kontatu eta era berean aurrera egiteko beldurrik ez izatea. Hori da gurehurrengo erronka.  Baina ziur gaude,

Eguzkilorearen indarra barneratuz IKTen beldurrei aurre

egingo diegula!